Удзел у гэтай добрай справе прынялі структурныя падраздзяленні абласнога выканаўчага камітэта і абласныя арганізацыі. Яны на практыцы падтрымалі ідэю аб тым, каб сабраць кнігі для маленькіх сірот і інвалідаў і перадаць іх ва ўстановы, дзе выхоўваюцца гэтыя дзеці.

У выніку акцыі, якая так і называлася: «Падары дзецям кнігу», літаратурныя падарункі накіраваліся ў некалькі раёнаў. Гэта класічная літаратура, энцыклапедыі, прыгоды, дэтэктывы, казкі, фантастыка — дарослыя пастараліся, каб было разнастайна.

Звыш 1,5 тысячы экзэмпляраў паступіла ўжо ў бібліятэкі. Іх атрымалі ў дзіцячых дамах сямейнага тыпу і сацыяльна-педагагічных цэнтрах Капыля, Дзяржынска, Барысава, Грозаўскай і Радашковіцкай сярэдніх школах-інтэрнатах для дзяцей-сірот і дзяцей, што засталіся без апекі бацькоў, Маладзечанскім сацыяльна-педагагічным цэнтры, Дзіцячай вёсцы «Вытокі» і SOS — Дзіцячай вёсцы ў Бараўлянах.

Марына Барадаўка
Рэспубліка, 5 июля 2013

Ссылка на текущий документ: http://belarus.kz/aktueller/2-/845/21978

Текущая дата: 19.11.2024