Старшыня Дзяржаўнага ваенна-прамысловага камітэта Беларусі Сяргей Гурулёў лічыць неабходным разгледзець пытанне аб стварэнні тэхнапарка ваеннага прызначэння або ў складзе існага Парка высокіх тэхналогій, або самастойнай адміністрацыі.

Паводле яго слоў, гэтая тэма закраналася на праведзеным 16 красавіка на базе ААТ "Пеленг" пасяджэнні круглага стала пад старшынствам віцэ-прэм`ера Беларусі Пятра Пракаповіча.

У кіраўніцтве камітэта ўпэўнены, што стварэнне такога тэхнапарка дазволіць арганізаваць працэс па развіцці крытычна важных тэхналогій, якія змогуць забяспечыць распрацоўку і асваенне ў вытворчасці сучаснага запатрабаванага на рынках узбраення. У якасці прыкладу прыводзіцца асвоенае ў Беларусі стварэнне новых кампазітных матэрыялаў на аснове нанатэхналогій, стварэнне сучаснай радыёэлектроннай элементнай базы для вырашэння задач радыёлакацыі, IT-тэхналогій, што ў сваю чаргу павінна стаць асновай для распрацоўкі і вытворчасці ў тым ліку сістэм касмічнага прыборабудавання, беспілотных лятальных апаратаў, сучасных радыёлакатараў і г.д.

Вячаслаў Будкевіч, БелаПАН
Мінск, 18 красавіка 2013

Ссылка на текущий документ: http://belarus.kz/aktueller/2-/855/20656

Текущая дата: 18.11.2024