Тры гады таму ў гэты дзень пры падзеньні самалёта загінулі 96 польскіх урадоўцаў на чале з прэзыдэнтам Лехам Качыньскім.

Як паведаміў Свабодзе прэсавы сакратар Канфэрэнцыі каталіцкіх біскупаў ксёндз Юры Санько, малітва адбудзецца з ініцыятывы амбасады Польшчы ў Беларусі. Яе ўзначаліць мітрапаліт Менска-Магілёўскі Тадэвуш Кандрусевіч.

За польскіх ахвяраў трагедыі ў Расеі памоляцца таксама ў Горадні. Сьвятары і вернікі ўшаноўваюць памяць ксяндза Юзэфа Ёнеца, які загінуў разам зь іншымі пасажырамі самалёта.

Юзэф Ёнец быў заснавальнікам касьцёльных спартовых парафіядаў і адкрываў першую парафіяду дзяцей і моладзі ў Гародні.

Галіна Абакунчык
Радыё Свабода, 10 красавіка 2013