Артыст адзначыў, што пасля смерці кампазітара шмат было страчана. "Лучанок - гэта ў маім жыцці чалавек, які калі праслухоўваў, дакладна адразу адзначаў, над чым трэба працаваць, як да гэтага прыйсці. Гэта быў настаўнік, чалавек, да якога ў любы момант можна было звярнуцца з просьбай. І хто да яго ні звяртаўся, ён заўсёды дапамагаў, - сказаў Анатоль Ярмоленка. - Ён пісаў цудоўныя песні. Лічу, гэта геній нашага часу. Для мяне Пахмутава і Лучанок - гэта дзве глыбы, два краевугольныя камяні, на якіх стаіць уся песенная культура".

Музыкант нагадаў, што Лучанок пісаў музыку не толькі да песень, у яго было шмат твораў. "Мы шмат страцілі пасля яго адыходу, шмат магло б быць песень напісана. Жыццё цяпер мяняецца, і штосьці было б у яго і на гэту тэму таксама напісана", - дадаў ён.

Напярэдадні на адкрыцці "Славянскага базару" Анатоль Ярмоленка выканаў напісаную Ігарам Лучанком песню на словы Барыса Бруснікава "Беларуская сталіца" і прадстаўленую шмат гадоў таму на віцебскім фестывалі. Артыст падкрэсліў, што яму было вельмі цікава працаваць з гэтым новым для яго матэрыялам. І дадаў, што песні Лучанка гучалі раней, гучаць сёння і прадоўжаць гучаць.

14 ліпеня 2023, Віцебск
БЕЛТА