Дарагія юнакі і дзяўчаты!

Сардэчна віншую вас з Днём моладзі і студэнцтва.

Маладосць — дзівосны час, напоўнены жаданнем ствараць, здзяйсняць вялікія ўчынкі, увасабляць у жыццё самыя смелыя задумы і мары.

Упэўнены, веды, набытыя ва ўніверсітэцкіх лабараторыях, ідэалы, засвоеныя ў гутарках з мудрымі настаўнікамі, дазволяць вам напісаць чарговую яркую старонку гісторыі краіны, насычаную важнымі падзеямі і дасягненнямі.

Асабістыя працоўныя перамогі кожнага з вас тым больш каштоўныя і значныя, чым больш яны садзейнічаюць умацаванню суверэнітэту і незалежнасці нашай дзяржавы.

У Беларусі заўсёды будзе шчаслівы той, для каго адданасць Радзіме і служэнне агульнай справе — не пустыя словы, а ўнутраны жыццёвы арыенцір.

Няхай захопленасць сваёй справай і любоў да свету стануць залогам вашых поспехаў. Не бойцеся цяжкасцяў і перашкод, будзьце адкрытыя новаму і нязведанаму, і тады ўсе пачынанні абавязкова ажыццявяцца.

Прэзідэнт Рэспублікі Беларусь Аляксандр Лукашэнка

Звязда, 25 чэрвеня 2023