Яны ўкралі з тэрыторыі знакамітага мемарыяльнага комплексу "Прарыў" ва Ўшацкім раёне ўсе 38 мемарыяльных пліт, зроблены са сплаву алюмінію з крэмніем, з надпісамі імёнаў і прозвішчаў загінулых савецкіх воінаў і партызан.
Матэрыяльную страту дырэкцыя музея ацаніла ў 110 мільёнаў рублёў.
Як паведаміў "Звяздзе" першы намеснік начальніка Ушацкага раённага аддзела ўнутраных спраў Аляксей Андросаў, пошукамі зладзеяў паралельна займаліся супрацоўнікі некалькіх раённых аддзелаў міліцыі і нават з абласнога цэнтра. У выніку былі затрыманы тры жыхары Чашніцкага раёна. Маладыя людзі ўсе беспрацоўныя.
Як удалося ўстанавіць, яны спрабавалі прадаць скрадзеныя пліты вышынёй і шырынёй прыкладна 120 на 80 сантыметраў кожная аднаму з жыхароў Бешанковіцкага раёна ўсяго за 1000 долараў. Пліты захоўваліся ў гаспадарчай пабудове, якая належыць гэтаму грамадзяніну.
За ўчыненае злачынства, паколькі страта нанесена ў асабліва буйным памеры, злаўмыснікі могуць быць пакараны пазбаўленнем волі тэрмінам да 12 гадоў.
Як адзначыў маёр міліцыі Аляксей Андросаў, наўрад ці прафесійныя скупшчыкі металу купілі б пліты, бо ніякай каштоўнасці сплаў, з якога яны зроблены, сабой не ўяўляе. Чаму праявіў інтарэс да пакупкі патэнцыйны пакупнік — высвятляецца.
Дарэчы, гэта ўжо не першы факт вандалізму на тэрыторыі знакамітага комплексу воінскай і партызанскай славы. Яшчэ ў 2008 годзе ўкралі стылізаваную вінтоўку таксама са сплаву "пад бронзу". А сёлета ў чэрвені — адзін з 16-ці стылізаваных вянкоў, зробленых таксама са сплаву, з надпісамі партызанскіх брыгад, якія ажыццявілі ў 1944 годзе прарыў блакады. Зладзеяў шукаюць. І верыцца, што і яны адкажуць перад законам.
Аляксандр Пукшанскі
Звязда, 3 снежня 2011
Як паведаміў "Звяздзе" першы намеснік начальніка Ушацкага раённага аддзела ўнутраных спраў Аляксей Андросаў, пошукамі зладзеяў паралельна займаліся супрацоўнікі некалькіх раённых аддзелаў міліцыі і нават з абласнога цэнтра. У выніку былі затрыманы тры жыхары Чашніцкага раёна. Маладыя людзі ўсе беспрацоўныя.
Як удалося ўстанавіць, яны спрабавалі прадаць скрадзеныя пліты вышынёй і шырынёй прыкладна 120 на 80 сантыметраў кожная аднаму з жыхароў Бешанковіцкага раёна ўсяго за 1000 долараў. Пліты захоўваліся ў гаспадарчай пабудове, якая належыць гэтаму грамадзяніну.
За ўчыненае злачынства, паколькі страта нанесена ў асабліва буйным памеры, злаўмыснікі могуць быць пакараны пазбаўленнем волі тэрмінам да 12 гадоў.
Як адзначыў маёр міліцыі Аляксей Андросаў, наўрад ці прафесійныя скупшчыкі металу купілі б пліты, бо ніякай каштоўнасці сплаў, з якога яны зроблены, сабой не ўяўляе. Чаму праявіў інтарэс да пакупкі патэнцыйны пакупнік — высвятляецца.
Дарэчы, гэта ўжо не першы факт вандалізму на тэрыторыі знакамітага комплексу воінскай і партызанскай славы. Яшчэ ў 2008 годзе ўкралі стылізаваную вінтоўку таксама са сплаву "пад бронзу". А сёлета ў чэрвені — адзін з 16-ці стылізаваных вянкоў, зробленых таксама са сплаву, з надпісамі партызанскіх брыгад, якія ажыццявілі ў 1944 годзе прарыў блакады. Зладзеяў шукаюць. І верыцца, што і яны адкажуць перад законам.
Аляксандр Пукшанскі
Звязда, 3 снежня 2011
Ссылка на текущий документ: http://belarus.kz/aktueller/2-/993/10952
Текущая дата: 28.12.2024