Сярэднямесячная намінальная налічаная зарплата ў арганізацыях Мінска за студзень—кастрычнік 2024 года склала Br2980,9. Пра гэта паведаміў старшыня камітэта па працы, занятасці і сацыяльнай абароне Мінгарвыканкама Пётр Шуцько на пасяджэнні выканкама.
«У горадзе дастаткова свабодных працоўных месцаў для занятасці непрацуючых грамадзян. Запатрабаваныя як служачыя, так і рабочыя кадры, — адзначыў Пётр Шуцько. — Найбольшы попыт назіраецца ў сферах гандлю, грамадскага харчавання, будаўніцтва, транспарту, прамысловасці, жыллёва-камунальнай гаспадаркі. У ліку запатрабаваных прафесій – повары, прадаўцы, маляры, вадзіцелі, токары, фрэзероўшчыкі, дворнікі, а таксама спецыялісты ў сферы адукацыі, культуры і інжынеры».
Па словах старшыні камітэта, дынамічна расце ўзровень аплаты працы работнікаў. «У студзені— кастрычніку 2024 г. намінальная налічаная сярэднямесячная заработная плата ў арганізацыях горада склала Br2980,9. Мы працягваем работунад стварэннем умоў для працоўнай занятасці грамадзян. Кожны, хто хоча працаваць, мае ўсе магчымасці рэалізаваць сябе ў любой сферы дзейнасці», — падкрэсліў ён.
Звязда, 20 снежня 2024
Ссылка на текущий документ: http://belarus.kz/aktueller/2-0/1/76311
Текущая дата: 22.12.2024