"Гэта свята ўсяляе ў нашы душы веру ў сілу любові і чалавечнасці. Добрымі справамі і ўчынкамі, нястомным клопатам пра бліжніх мы папаўняем свае духоўныя сілы і далучаемся да вечных ісцін", - гаворыцца ў віншаванні.

Аляксандр Лукашэнка адзначыў, што ў такія дні па-асабліваму ўспрымаецца значнасць міру і згоды, шчырасці і ўзаемаразумення.

"Упэўнены, што шанаванне хрысціянскіх каштоўнасцей будзе і ў далейшым садзейнічаць умацаванню адзінства на беларускай зямлі", - падкрэсліў Прэзідэнт.

Хрысціянам Беларусі, якія святкуюць Нараджэнне Хрыстова 25 снежня

Дарагія суайчыннікі!

Сардэчна віншую вас з Нараджэннем Хрыстовым.

Гэта свята ўсяляе ў нашы душы веру ў сілу любові і чалавечнасці. Добрымі справамі і ўчынкамі, нястомным клопатам пра бліжніх мы папаўняем свае духоўныя сілы і далучаемся да вечных ісцін.

У такія дні па-асабліваму ўспрымаецца значнасць міру і згоды, шчырасці і ўзаемаразумення. Упэўнены, што шанаванне хрысціянскіх каштоўнасцей будзе і ў далейшым садзейнічаць умацаванню адзінства на беларускай зямлі.

Няхай урачыстасць нараджэння Збавіцеля падорыць дабрабыт вашым сем`ям, прынясе цеплыню і ўтульнасць у кожны дом.

Аляксандр Лукашэнка,

25 снежня 2024 г.

25 снежня 2024, Мінск
БЕЛТА