Якія падзеі адбыліся 1 сакавіка і чым адзначаны гэты дзень у народным календары, чытайце далей:

У 1581 годзе быў створаны Трыбунал Вялікага Княства Літоўскага.

У 1919 годзе ў Гродне створана беларускае культурна-асветніцкае таварыства "Бацькаўшчына".

1917 год: Фёдар Шмакаў, беларускі акцёр, рэжысёр.

1936 год: Лідзія Савік, беларускі літаратуразнавец, крытык.

Таксама сёння нарадзіліся італьянскі мастак Сандра Бацічэлі і нямецкi музыкант, удзельнiк дуэта Modern Talking Томас Андэрс.

1 сакавіка ў народным календары

Наступіла масленічная субота. У гэты дзень маладая нявестка запрашала ў госці ўсіх родных, каб паказаць, у тым ліку з дапамогай кулінарных прысмакаў, якая яна гаспадыня. Таму субота і называлася "Залоўцы".

Таксама сёння праваслаўныя вернікі шануюць памяць святых 12 пакутнікаў, якія пацярпелі за хрысціянскую веру ў Кесарыі Палесцінскай у 308-309 гадах. Таксама ў гэты дзень Іуда скончыў жыццё самагубствам, таму дзень лічыцца не вельмі шчаслівым.

У даўніну 1 сакавіка нашы продкі святкавалі Ярылін дзень. Ярыла – бог сонца і ўрадлівасці. Па павер`і, з гэтага дня Ярыла адчыняе зямлю і ўсё пачынае расці. 1 сакавіка людзі сустракалі світанак на ўзвышшы і днём абавязкова выходзілі пагрэцца пад промнямі сонейка.

Калі ў гэты дзень цёпла і сонечна, маразы яшчэ вернуцца. Аблокі, якія ляцяць высока, абяцаюць добрае надвор`е.

Sputnik, 1 сакавіка 2025