У цэлым сітуацыя застаецца стабільнай. "Дадатковая сесія Беларускай валютна-фондавай біржы працуе, працуе наяўны рынак. Якіх-небудзь перашкод або затрымак, у прынцыпе, няма. Адзінае, хацелася б, каб на рынак ішло больш прапаноў, а пакуль прадпрыемствы ўсё ж такі асцярожнічаюць", — сказала старшыня праўлення Нацбанка.

Надзея Ермакова адзначыла, што не аказваецца якога-небудзь адміністрацыйнага націску або рэгулявання з боку Нацыянальнага банка на пазабіржавы рынак. Курс беларускага рубля ўстанаўліваецца рыначнымі механізмамі, змяняючыся нязначна. Для ўстанаўлення стабільнага курсу беларускага рубля, лічыць Нацбанк, патрэбны пэўны час. Ад далейшага попыту і прапанавання на валюту будзе залежаць і тое, калі адновіцца адзіны афіцыйны курс. Кіраўнік дзяржавы запатрабаваў ад Нацыянальнага банка безумоўна забяспечыць выкананне задач, якія былі пастаўлены на нарадзе ў канцы жніўня па актуальных пытаннях сацыяльна-эканамічнага развіцця краіны.

Звязда, 7 кастрычніка 2011

Ссылка на текущий документ: http://belarus.kz/aktueller/2-0/1004/9665

Текущая дата: 17.11.2024