Тысячы людзей сталі ўдзельнікамі акцый маўклівага пратэсту "Рэвалюцыя праз сацыяльную сетку" ў Беларусі 22 чэрвеня. Паводле наяўнай інфармацыі, акцыі прайшлі ва ўсіх абласных цэнтрах і яшчэ ў дзясятках гарадоў краіны.
Традыцыйна самай шматлікай стала акцыя ў цэнтры Мінска. Паводле розных ацэнак, у ёй узялі ўдзел некалькі тысяч чалавек. Яны планавалі сабрацца на Кастрычніцкай плошчы, аднак, як і ў мінулую сераду, за гадзіну да аб`яўленага пачатку акцыі (19.00) плошча была абнесена металічнымі турнікетамі і ачэплена міліцыяй.
Ёсць затрыманні. Паводле не пацверджанай пакуль інфармацыі, затрыманы дзясяткі чалавек, у тым ліку журналісты. Дакладна вядома аб затрыманні відэааператара БелаПАН Паўла Падабеда, журналістаў "Радыё Свабода" Алега Груздзіловіча і газеты "Наша ніва" Алеся Пілецкага. Найбольш масавыя затрыманні адбыліся ў раёне Нямігі.
Сённяшняя акцыя, як і папярэднія, што прайшлі 8 і 15 чэрвеня, ініцыявана групай актывістаў сацыяльных сетак.
БелаПАН
Мінск, 22 чэрвеня 2011
Ёсць затрыманні. Паводле не пацверджанай пакуль інфармацыі, затрыманы дзясяткі чалавек, у тым ліку журналісты. Дакладна вядома аб затрыманні відэааператара БелаПАН Паўла Падабеда, журналістаў "Радыё Свабода" Алега Груздзіловіча і газеты "Наша ніва" Алеся Пілецкага. Найбольш масавыя затрыманні адбыліся ў раёне Нямігі.
Сённяшняя акцыя, як і папярэднія, што прайшлі 8 і 15 чэрвеня, ініцыявана групай актывістаў сацыяльных сетак.
БелаПАН
Мінск, 22 чэрвеня 2011
Ссылка на текущий документ: http://belarus.kz/aktueller/2-0/1040/7433
Текущая дата: 15.11.2024