Дзяржава і ў далейшым будзе ўдзяляць самую пільную ўвагу пытанням ваеннай адукацыі, тэхнічнай падрыхтоўкі, таксама як і сацыяльным гарантыям для тых, хто служыць ва Узброеных Сілах. Аб гэтым заявіў Прэзідэнт Беларусі Аляксандр Лукашэнка, выступаючы 23 лютага на прыёме кіруючага складу Узброеных Сіл і праваахоўных органаў.
Мерапрыемства, арганізаванае з нагоды Дня абаронцаў Айчыны і Узброеных Сіл Беларусі, прайшло з удзелам вышэйшых службовых асоб краіны, паведамілі ў прэс-службе беларускага лідара.
Кіраўнік дзяржавы падкрэсліў, што гэта свята ўжо даўно перарасло прафесійныя рамкі. Яно ўвасобіла ў сабе асаблівую павагу народа да тых, хто выбраў для сябе нялёгкую справу — забяспечваць мір і бяспеку, ахоўваць суверэнітэт і тэрытарыяльную цэласнасць краіны. Кіраўнік дзяржавы падкрэсліў, што Беларусь — мірная краіна, у яе ніколі не было агрэсіўных намераў і мэт. Аднак на працягу стагоддзя ніводная вялікая еўрапейская вайна не абмінула нашу зямлю, пакінула свае крывавыя сляды.
"Колькі іншаземных захопнікаў, якія рваліся заняволіць і знішчыць Беларусь, канулі ў небыццё дзякуючы таму, што на іх шляху нязменна паўставалі грозныя сілы, народ-патрыёт, гатовы да апошняй кроплі крыві змагацца за кожную пядзю роднай зямлі.
Героі-воіны шануюцца ў нас як праведнікі, якія аддалі жыцці за Айчыну", — адзначыў Аляксандр Лукашэнка. Звяртаючыся да афіцэраў, кіраўнік дзяржавы сказаў: "Беларусь упершыню за ўсю шматвяковую гісторыю набыла суверэнітэт. І вы павінны абараняць вялікую заваёву ўсіх нас і нашага народа. Гэта вялікі гонар і вялікая адказнасць. Дык няхай Узброеныя Сілы Рэспублікі Беларусь заўсёды будуць гордасцю, надзейнай апорай краіны, а воінская служба — справай асаблівай дзяржаўнай важнасці і высокага маральнага значэння, сапраўднай школай узмужнеласці і грамадзянскасці для нашай моладзі".
На думку кіраўніка дзяржавы, у цяперашніх умовах асабліва неабходна высокая адказнасць кіраўнікоў сілавых структур, кожнага афіцэра за забеспячэнне ўмоў для стваральнай працы беларускага народа.
Кіраўнік дзяржавы адзначыў: "Наперадзе ў нас — вырашэнне вельмі складаных і адказных задач. У тым ліку рэалізацыя новай Канцэпцыі нацыянальнай бяспекі, далейшая мадэрнізацыя Узброеных Сіл, падтрыманне іх высокай баявой гатоўнасці і маральнага духу. Для гэтага вы маеце не толькі неабходныя рэсурсы, але і галоўнае — усямерную падтрымку дзяржавы і народа, усведамленне кожным грамадзянінам сваёй датычнасці да абароны Айчыны, адказнасці за падтрыманне міру і стабільнасці ў нашым агульным беларускім доме".
Прэзідэнт Беларусі ўручыў генеральскія пагоны прадстаўнікам вышэйшага афіцэрскага складу сілавых структур. Чарговае спецыяльнае званне генерал-лейтэнанта міліцыі прысвоена Анатолю Куляшову, чарговае воінскае званне генерал-маёра юстыцыі — Аляксандру Канюку, чарговае воінскае званне генерал-маёра — Алегу Белаконеву і Андрэю Раўкову. Класны чын дзяржаўнага саветніка юстыцыі 3-га класа прысвоены пракурору Брэсцкай вобласці Сяргею Хмаруку.
Кіраўнік дзяржавы пажадаў усім поспехаў на карысць Айчыны
Звязда
24 лютага 2011
Кіраўнік дзяржавы падкрэсліў, што гэта свята ўжо даўно перарасло прафесійныя рамкі. Яно ўвасобіла ў сабе асаблівую павагу народа да тых, хто выбраў для сябе нялёгкую справу — забяспечваць мір і бяспеку, ахоўваць суверэнітэт і тэрытарыяльную цэласнасць краіны. Кіраўнік дзяржавы падкрэсліў, што Беларусь — мірная краіна, у яе ніколі не было агрэсіўных намераў і мэт. Аднак на працягу стагоддзя ніводная вялікая еўрапейская вайна не абмінула нашу зямлю, пакінула свае крывавыя сляды.
"Колькі іншаземных захопнікаў, якія рваліся заняволіць і знішчыць Беларусь, канулі ў небыццё дзякуючы таму, што на іх шляху нязменна паўставалі грозныя сілы, народ-патрыёт, гатовы да апошняй кроплі крыві змагацца за кожную пядзю роднай зямлі.
Героі-воіны шануюцца ў нас як праведнікі, якія аддалі жыцці за Айчыну", — адзначыў Аляксандр Лукашэнка. Звяртаючыся да афіцэраў, кіраўнік дзяржавы сказаў: "Беларусь упершыню за ўсю шматвяковую гісторыю набыла суверэнітэт. І вы павінны абараняць вялікую заваёву ўсіх нас і нашага народа. Гэта вялікі гонар і вялікая адказнасць. Дык няхай Узброеныя Сілы Рэспублікі Беларусь заўсёды будуць гордасцю, надзейнай апорай краіны, а воінская служба — справай асаблівай дзяржаўнай важнасці і высокага маральнага значэння, сапраўднай школай узмужнеласці і грамадзянскасці для нашай моладзі".
На думку кіраўніка дзяржавы, у цяперашніх умовах асабліва неабходна высокая адказнасць кіраўнікоў сілавых структур, кожнага афіцэра за забеспячэнне ўмоў для стваральнай працы беларускага народа.
Кіраўнік дзяржавы адзначыў: "Наперадзе ў нас — вырашэнне вельмі складаных і адказных задач. У тым ліку рэалізацыя новай Канцэпцыі нацыянальнай бяспекі, далейшая мадэрнізацыя Узброеных Сіл, падтрыманне іх высокай баявой гатоўнасці і маральнага духу. Для гэтага вы маеце не толькі неабходныя рэсурсы, але і галоўнае — усямерную падтрымку дзяржавы і народа, усведамленне кожным грамадзянінам сваёй датычнасці да абароны Айчыны, адказнасці за падтрыманне міру і стабільнасці ў нашым агульным беларускім доме".
Прэзідэнт Беларусі ўручыў генеральскія пагоны прадстаўнікам вышэйшага афіцэрскага складу сілавых структур. Чарговае спецыяльнае званне генерал-лейтэнанта міліцыі прысвоена Анатолю Куляшову, чарговае воінскае званне генерал-маёра юстыцыі — Аляксандру Канюку, чарговае воінскае званне генерал-маёра — Алегу Белаконеву і Андрэю Раўкову. Класны чын дзяржаўнага саветніка юстыцыі 3-га класа прысвоены пракурору Брэсцкай вобласці Сяргею Хмаруку.
Кіраўнік дзяржавы пажадаў усім поспехаў на карысць Айчыны
Звязда
24 лютага 2011
Ссылка на текущий документ: http://belarus.kz/aktueller/2-0/1072/4654
Текущая дата: 20.09.2024