Сёння адзначаецца Сусветны дзень кніг і аўтарскага права. Якія яшчэ падзеі адбыліся 23 красавіка і чым адзначаны гэты дзень у народным календары, чытайце далей:

У 1586 годзе горад Нясвіж атрымаў магдэбургскае права і герб.

У 1917 годзе спектаклямі "Паўлінка" Я. Купалы і "У зімовы вечар" паводле Э. Ажэшкі ў Мінску адкрылася Першае беларускае таварыства драмы і камедыі.

1886 год: Змітрок Бядуля, беларускі пісьменнік.

1913 год: Рыгор Рэлес, беларускі пісьменнік і паэт, які пісаў на ідыш.

1934 год: Уладзімір Конан, беларускі філосаф, гісторык, літаратурны крытык.

Таксама сёння нарадзіліся англійскі драматург і паэт Уільям Шэкспір, рускі кампазітар Сяргей Пракоф`еў і французскі пісьменнік Марыс Друон.

Сёння праваслаўныя вернікі шануюць памяць пакутніка Цярэнція.

У гэты дзень гадалі, якімі будуць наступныя тры месяцы. Для гэтага трэба было паглядзець у вакно – каго першым убачылі, такі будзе лёс. Так, убачыць маладых людзей значыла спакойнае і добрае жыццё, старых – наадварот, хваробы і няўдачу. Самым дрэнным лічылася ўбачыць калеку – гэты значыць, страціць каго-небудзь з сям`і. Птушкі абяцалі новыя знаёмствы і важныя весткі, сабака сведчыў пра гора, а кот – што ў хаце з`явяцца грошы.

Ранішняя мгла 23 красавіка прадвяшчала дажджысты дзень. Сонейка абяцала добрае надвор`е на наступныя дні, якое спрыяе сельскагаспадарчым працам.

Sputnik, 23 красавіка 2023