Гэты дзень з`яўляецца сто шостым па грыгарыянскім календары, да канца года засталося 259 дзён.
Якія падзеі адбыліся 16 красавіка і чым адзначаны гэты дзень у народным календары, чытайце далей:
Гістарычныя падзеі 16 красавіка
У 1934 годзе ў СССР уведзена ганаровае званне Герой Савецкага Саюза.
У 1992 годзе Беларусь устанавіла дыпламатычныя адносіны з Кубай.
У 1999 годзе пачаў камерцыйную дзейнасць першы сотавы аператар стандарту GSM у Беларусі — кампанія "Мабільная лічбавая сувязь", цяпер "А 1".
Хто нарадзіўся 16 красавіка
1924 год: Алег Луцэвіч, беларускі мастак-графік, педагог.
1928 год: Алег Сурскі, беларускі дызайнер, мастак, арт-крытык і мастацтвазнавец.
1935 год: Анатоль Клышка, беларускі пісьменнік
Таксама сёння нарадзіўся амерыканскі акцёр Чарлі Чаплін.
16 красавіка ў народным календары
Сёння праваслаўныя вернікі святкуюць Вялікдзень – Светлае Хрыстова Уваскрэсенне, самае галоўнае свята ў праваслаўі. Па завяршэнні богаслужэння вернікі "разгаўляюцца" – смакуюць асвячоныя напярэдадні яйкі і кулічы.
У гэты дзень праваслаўныя вернікі шануюць памяць вялебнага Мікіты Спавядальніка і Ілірыка Марсіёнскага. Сёння таксама моляцца абразу Божай Маці "Неўвядальны Цвет".
Па народных прыкметах, калі раніцай мгла, ураджай будзе добры. Нізкія аблокі і халодны вецер прадвяшчалі доўгую вясну і нянаснае лета. Добрае надвор`е абяцала працягнуцца яшчэ тыдзень.
Sputnik, 16 красавіка 2023
Ссылка на текущий документ: http://belarus.kz/aktueller/2-0/116/69070
Текущая дата: 18.11.2024