На думку намесніка старшыні верхняй палаты беларускага парламента, гэта толькі разгайдае сітуацыю, а канструктыўнага развіцця тэмы грамадзянскай супольнасці не будзе.
Планы ЗША прызначыць спецыяльнага пасланніка па Беларусі для ўзаемадзеяння з апазіцыяй з`яўляюцца чарговым крокам па разгойдванні сітуацыі ў краіне, заявіў намеснік старшыні Савета рэспублікі Нацыянальнага схода Беларусі Валерый Бельскі.
Такім чынам ён пракаментаваў заяву дзяржаўнага сакратара ЗША Энтані Блінкена, які на профільных слуханнях у сенаце ЗША заявіў, што Белы дом будзе прызначаць спецпасланніка па Беларусі для правядзення кантактаў з прадстаўнікамі апазіцыі.
"Гэта чарговы крок па разгойдванні сітуацыі. (…) Калі спадар Блінкен ці нехта хоча ўзаемадзейнічаць з тымі людзьмі, якія сталі здраднікамі беларускага народа, мы разумеем, для чаго гэта трэба і якую інфармацыю яны хочуць атрымаць", - сказаў Бельскі.
Сенатар падкрэсліў, што беларуская апазіцыя, як і любая іншая ў любой іншай дзяржаве, з’яўляецца часткай грамадзянскай супольнасці. І пры планах кантактаваць з ёй трэба ўлічваць гэты момант.
Бельскі заявіў, што ў Мінску гэта расцэньваюць як недружалюбны крок і глупства з боку Вашынгтона.
"Мы заўсёды рэагуем на недружалюбныя выпады. Глупства. Калі б гэтыя людзі хацелі дыялогу, яны б шукалі шляхі, не паглыблялі б гэты разрыў, праблемы і ўзаемнае непрыманне", - сказаў намеснік старшыні верхняй палаты беларускага парламента.
Ссылка на текущий документ: http://belarus.kz/aktueller/2-0/122/68779
Текущая дата: 18.11.2024