Сёння ў Беларусі адзначаецца Дзень Унутраных войск. Якія яшчэ падзеі адбыліся 18 сакавіка і чым адзначаны гэты дзень у народным календары, чытайце далей:

У 1921 годзе быў падпісаны Рыжскі мірны дагавор паміж Польшчай і Савецкай Расіяй.

У 1993 годзе Беларусь устанавіла дыпламатычныя адносіны з Іранам.

1983 год: Віталь Воранаў, беларускі літаратар, перакладчык, выдавец.

Таксама сёння нарадзіліся французскі паэт Стэфан Малармэ і французскі пісьменнік і рэжысёр Люк Бесон.

Сёння праваслаўныя вернікі шануюць памяць пакутніка Конана Ісаўрыйскага і Конана Градара. Імя святога ў народзе асацыявалася са словам града і гарод.

Вяскоўцы высявалі насенне, якое не баіцца магчымых замаразкаў.

Калі гракі селі на гнёзды, праз тры тыдні можна пачынаць сяўбу.

Убачыць мыш у доме або на полі – да неўраджаю.

Sputnik, 18 сакавіка 2023