Гэты дзень з`яўляецца пяцьдзесят пятым па грыгарыянскім календары, таму да канца года засталося 310 дзён.
Якія падзеі адбыліся 24 лютага і чым азнаменаваны гэты дзень у народным календары, чытайце далей:
Гістарычныя падзеі 24 лютага
У 2015 годзе адбылося афіцыйнае адкрыццё Пасольства Рэспублікі Беларусь у Аўстраліі.
Хто нарадзіўся 24 лютага
1536 год: Мацей Казімір Сарбеўскі, новалацінскі паэт, тэарэтык літаратуры і школьнага тэатра.
1935 год: Рыгор Барадулін, беларускі паэт.
Таксама сёння нарадзіліся рускі адмірал Фёдар Ушакоў, нямецкі казачнік Вільгельм Грым і заснавальнік кампаніі "Apple Computer" Стывен Пол Джобс.
24 лютага ў народным календары
Масленіца працягваецца. Пятніца была прысвечана шанаванню цешчы, якую зяць запрашаў з адваротным візітам на свае пачастункі. Цяпер бліны павінна была пячы яго жонка, гэтак значыць цешчына дачка. Так адзначалі "цешчыны вячоркі".
Таксама сёння праваслаўныя вернікі шануюць памяць святапакутніка Уласія Севастыйскага, якога ў народзе называлі Аўлас або Улас. Ён лічыўся заступнікам рагатай скаціны.
Хатніх жывёл сёння сытна кармілі, у тым ліку асвечаным у царкве хлебам, прыбяралі ў хляве.
Калі на Уласа было шмат снегу, вясной будзе шмат травы. Доўгія ледзяшы прадвяшчалі познюю вясну.
Sputnik, 24 лютага 2023
Ссылка на текущий документ: http://belarus.kz/aktueller/2-0/127/68525
Текущая дата: 18.11.2024