"Мы пастаянна адчуваем націск, калі нашы рэсурсы пачынаюць закрываць, як толькі мы гаворым нязручную праўду. Гэта практыка, з якой сутыкнуліся нашы саюзнікі, расіяне. І тое ж самае адбываецца ў адносінах да нашых каналаў, платформ, рэсурсаў, з якімі мы працуем. Таму мы стварылі сёння беларускую пляцоўку - вось гэта, напэўна, галоўнае адрозненне ад усяго таго, што ў нас было. Мы стварылі беларускую платформу, на якой будзе акумулявацца выпускаемы намі галоўны палітычны відэакантэнт", - сказаў Марат Маркаў.

Міністр інфармацыі звярнуў увагу, што ў карыстальнікаў будзе магчымасць праглядаць кантэнт як у рэжыме рэальнага часу, так і ў архіве. "Тым больш, мы будзем мець магчымасць дастаткова лёгка і проста знаходзіць тую ці іншую інфармацыю па тэгах. Прынамсі, так задумалі. Давайце паглядзім, як гэта будзе, але я ўпэўнены, што гэта будзе менавіта такім чынам. Фактычна мы ствараем такі канкрэтны інфармацыйны хаб, з дапамогай якога мы і, самае галоўнае, тыя, хто зацікаўлены ў дакладнай інфармацыі з Беларусі, змогуць яе атрымліваць. Такіх людзей велізарная колькасць - разумеючых, што ў Беларусі ўсё адбываецца не так, як гэта паказваюць за мяжой", - падкрэсліў ён.

Марат Маркаў адзначыў, што адна з задач - паказаць беларускую рэчаіснасць, выкарыстоўваючы той інструмент, які не будзе знаходзіцца ў руках у нашых апанентаў. "Гэта галоўная задума. А зручнасць партала, яго інтэрфейсу, зручнасць атрымання інфармацыі ацэняць самі карыстальнікі. Спадзяюся, што яны не будуць адчуваць у гэтым партале канкурэнта галоўных дзяржаўных тэлеканалаў. Гэта не канкурэнт, гэта яшчэ адзін спосаб данясення дакладнай інфармацыі да нашых гледачоў", - рэзюмаваў міністр інфармацыі.

12 верасня мультымедыйны партал VIDEOBEL.BY запусцілі ў Беларусі. Грамадска-палітычны кантэнт вядучых беларускіх СМІ цяпер сабраны ў адным месцы. На партале ёсць месца для анлайн-вяшчання каналаў і важных прамых трансляцый, у прыватнасці з мерапрыемстваў, у якіх прымае ўдзел кіраўнік дзяржавы.Акрамя таго, кожны дзень на VIDEOBEL.BY будзе з`яўляцца падборка пяці самых важных навін. Гэта асабліва зручна для тых, хто імкнецца быць у курсе падзей, але не гатовы траціць шмат часу на вывучэнне інфармацыйнай прасторы.

Такім чынам, карыстальнік, наведаўшы ўсяго адзін рэсурс, зможа атрымаць максімальна разгорнутую карціну падзей, прычым з розных ракурсаў.

12 верасня 2024, Мінск
БЕЛТА