Міліцыянеры знаходзіліся ў вёсцы Забер. У гэтым населеным пункце пражывае няшмат людзей і многія дамы закінутыя. Менавіта такія будынкі і цікавілі праваахоўнікаў.

У ходзе рэйду супрацоўнікі міліцыі наведалі закінуты дом і выявілі там 42-гадовую жанчыну, а таксама 984 літры самагоннай брагі. Самагонны апарат на месцы не быў знойдзены. Пры гутарцы грамадзянка сказала, што ўсё гэта прызначалася для асабістага карыстання, паведамляе аддзяленне інфармацыі і грамадскіх сувязяў УУС Гродненскага аблвыканкама.

На дадзены момант праводзіцца праверка, брага была знішчана. Раней грамадзянка не прыцягвалася да адказнасці за падобнае парушэнне.

Сяргей Расолька
Звязда, 3 чэрвеня 2020