У Мінску католікі разам са сваімі пастырамі ў Пасхальнай вігіліі сустрэлі Велікодныя святы. Увечары 11 красавіка ў мінскім архікатэдральным касцёле Найсвяцейшага Імя Марыі Мітрапаліт Мінска-Магілёўскі арцыбіскуп Тадэвуш Кандрусевіч узначаліў цэлебрацыю Пасхальнай вігіліі ў святую ноч Уваскрасення Хрыста.

Напярэдадні арцыбіскуп Тадэвуш Кандрусевіч заклікаў вернікаў святкаваць Вялікдзень дома і адмяніў традыцыйнае бласлаўленне велікодных страваў біскупамі, каб пазбегнуць збору вялікай колькасці людзей.

Таксама арцыбіскуп Тадэвуш Кандрусевіч 8 красавіка выдаў Дэкрэт аб благаслаўленні велікодных страваў у хатніх умовах.

Анлайн-трансляцыя Святой Імшы:

Таксама сёння, 12 красавіка у 16:20 на тэлеканале "Беларусь 3" адбудзецца жывая трансляцыя з Ватыкана Велікоднага паслання і благаславення "Гораду і свету" Папы Рымскага Францішка.

Расклад набажэнстваў на Вялікдзень у мінскіх парафіях можна даведацца на сайце imsha.by.

Звязда, 12 красавіка 2020