Якія падзеі адбыліся 27 красавіка і чым адзначаны гэты дзень у народным календары, чытайце далей:

У 1387 годзе з’явіліся першыя дакументальныя звесткі пра горад Ігумен (з 1923 года — Чэрвень).

У 1945 годзе БССР прынята ў склад дзяржаў-заснавальніц ААН.

У 1992 годзе Расія і Беларусь сталі членамі Міжнароднага валютнага фонду.

У 2016 годзе Беларусь устанавіла дыпламатычныя адносіны з Ліберыяй.

1930 год: Май Данцыг, педагог, народны мастак Беларусі.

1951 год: Міхась Башлакоў, беларускі паэт.

Таксама сёння нарадзіліся савецкая лётчыца Валянціна Грызадубава і амерыканскі мастак і вынаходнік Самуэль Морзэ.

Сёння праваслаўныя вернікі шануюць памяць Марціна Спавядальніка.

У народзе верылі, што з гэтага дня пачынаюцца першыя сапраўдныя навальніцы. Назіралі і за жывёльным светам: вароны кідаюць старыя гнёзды і перасяляюцца ў новыя, а лісы выходзяць са сваіх нор. Мусіць, таму гэты дзень у народным календары завецца таксама Марцін Лісагон.

Калі варона крумкае над домам у гэты дзень, лічылася, што яна прарочыць яго жыхарам бяду. Калі ж у хаце хворы, ён нават можа памерці.

Калі пчолы ўжо вылецелі ў поле, вясна будзе цёплая і сонечная.

Sputnik, 27 красавіка 2024