У гэты дзень у 1943 годзе нацыстамі было ліквідавана Мінскае гета. Якія яшчэ падзеі адбыліся 21 кастрычніка і чым азнаменаваны гэты дзень у народным календары, чытайце далей:

У 1917 годзе ў Вільні пачалося выданне газеты "Беларуская крынiца", орган Беларускай хрысцiянскай дэмакратыi.

У 1917 годзе ў Мінску пачаўся III з’езд Беларускай сацыялiстычнай грамады, на якім прынята новая праграма партыi.

У 1926 годзе адкрыўся Дзяржаўны яўрэйскі тэатр БССР.

У 1943 годзе нацыстамі ліквідавана Мінскае гета.

1876 год: Сяргей Скандракоў, беларускі навуковец-аграном, журналіст, краязнавец.

1878 год: Уладзімір Пічэта, беларускі гісторык, першы рэктар БДУ.

1914 год: Казімір Свёнтак, кардынал, каталіцкі архібіскуп, мітрапаліт Мінска-Магілёўскі.

1921 год: Іван Муравейка, беларускі паэт.

Таксама сёння нарадзіліся шведскі хімік, заснавальнік Нобелеўскай прэміі Альфрэд Нобель і расійскі акцёр і кінарэжысёр Мікіта Міхалкоў.

У гэты дзень Праваслаўная царква шануе памяць прападобных Пелагіі Антыохскай і Трыфана, архімандрыта Вяцкага. У народзе пра гэты дзень казалі: "Трыфан футра чыніць, Пелагея рукавічкі шые". З гэтага дня пачыналі рыхтаваць цёплае адзенне.

Зімовае адзенне куплялі, а таксама шылі самі з футра, валялі валёнкі з воўны. Нарыхтоўкі з гародніны ў гэты час хавалі ў халодны склеб, або ў возера, дзе пада льдом захоўвалася прыдатная для гэтага тэмпература.

Калі ў гэты дзень з бяроз яшчэ не абляцела лісце, зіма будзе позняй. Калі аблокі нізка ідуць – варта чакаць маразоў. Вакол сонца з`явіўся круг – будзе суха і ясна.

Sputnik, 21 кастрычніка 2019