Гэты дзень з`яўляецца дзвесце першым па грыгарыянскім календары, да канца года засталося 164 дні.
Сёння святкуецца Міжнародны дзень шахмат. Якія яшчэ падзеі адбыліся 20 ліпеня і чым азнаменаваны гэты дзень у народным календары, чытайце далей:
Гістарычныя падзеі 20 ліпеня
У 1958 годзе ў Мадрыдзе выйшаў першы нумар "Эвангелісцкага прапаведніка" пад рэдакцыяй У. Рыжы-Рыжскага.
Хто нарадзіўся 20 ліпеня
1880 год: Гальяш Леўчык, беларускі паэт.
1971 год: Зміцер Вайцюшкевіч, беларускі спявак і музыкант.
Таксама сёння нарадзіліся італьянскі паэт Франчэска Петрарка, амерыканскі збройнік Сэмюэль Кольт і англійскі даследчык беларускай гісторыі і культуры Гай дэ Пікарда.
20 ліпеня ў народным календары
Сёння праваслаўныя вернікі шануюць памяць вялебных Фамы і Еўдакіі, княгіні Маскоўскай, якую ў народзе называлі просто Аўдоцця.
Сяляне спяшаліся сабраць сена да 20 ліпеня, таму што з гэтай даты звычайна пачыналіся дажджы. У розных рэгіёнах пачыналі святкавацца Зажынкі – жанчыны выходзілі ў поле, зразалі першае калоссе і вязалі сноп, які потым прыносілі дадому і ставілі ў чырвоным куце.
Дождж 20 ліпеня прадвяшчаў неўраджай. Калі ж ён пачаўся, гэта значыла, што зацягнецца на некалькі дзён.
Sputnik, 20 ліпеня 2019
Ссылка на текущий документ: http://belarus.kz/aktueller/2-0/487/48828
Текущая дата: 16.11.2024