У адпаведнасці з указам Прэзідэнта ад 23 красавіка 2019 года нумар 156 "Аб павышэнні пенсій" з 1 мая ў Беларусі будуць пераразлічаны працоўныя пенсіі.

У Мінпрацы падкрэслілі, што памер (працэнт) павелічэння пенсіі ў выніку пераразліку ў кожнага пенсіянера будзе залежаць ад індывідуальных параметраў стажу работы і велічыні заработку да звароту за пенсіяй, а таксама ўстаноўленых да пенсіі надбавак, павышэнняў і даплат.

Пры гэтым надбаўкі, павышэнні і даплаты па названай падставе не пераразлічваюцца. Гэтыя выплаты павялічваюцца пры росце бюджэту пражытачнага мінімуму ў сярэднім на душу насельніцтва.

БЕЛТА, 24 красавіка 2019