Сёння святкуецца Дзень правоў чалавека, а таксама Міжнародны дзень правоў жывёл. Якія яшчэ падзеі адбыліся 10 снежня і чым азнаменаваны гэты дзень у народным календары, чытайце далей:

У 1589 годзе Кобрыну быў нададзены герб.

У 1918 годзе Чырвоная Армія ўступіла ў Мінск.

У 1945 годзе была адкрытая Беларуская гімназія ў нямецкім Рэгенсбургу, першы дырэктар - Аляксандр Орса.

У 1963 годзе была ўведзена ў эксплуатацыю першая чарга калійнага камбіната ў Салігорску.

У 2007 годзе пачаў выходзіць у эфір тэлеканал "Белсат".

1870 год: Фердынанд Рушчыц, жывапісец і педагог.

1852 год: Вандалін Шукевіч, беларускі археолаг і этнограф.

1930 год: Мікола Арочка, беларускі паэт і літаратуразнавец.

1951 год: Алесь Каско, беларускі паэт.

Таксама сёння нарадзіліся рускі паэт Мікалай Някрасаў і англійскі матэматык Ада Лаўлейс.

Сёння праваслаўныя вернікі шануюць памяць вялебнага Рамана Цудатворца. Жанчыны прасілі гэтага святога пазбавіць іх бясплоддзя.

Рыбакі 10 снежня не выходзілі на промысел – лічылася, што ў гэты дзень уся рыба хаваецца. Затое хадзілі ў лес шукаць рогі ласёў, якія скідалі іх узімку.

У гэты дзень назіралі за жывёламі і птушкамі. Калі каровы пырхалі – чакалі маразоў, вераб`і весела спявалі – адлігу. Калі дым уздымаецца ў неба стаўбом, будзе халадаць.

Sputnik, 10 снежня 2018