Сёння святкуецца Раство Хрыстова ў цэрквах, якія карыстаюцца грыгарыянскім календаром. Якія яшчэ падзеі адбыліся 25 снежня і чым азнаменаваны гэты дзень у народным календары, чытайце далей:

У 336 годзе адбылося першае дакументальна пацверджанае святкаванне Раства Хрыстова ў Рыме.

У 1795 годзе была створана Слонімская губерня.

У 1939 годзе пастановай Саўнаркама БССР Белавежская пушча аб’яўлена дзяржаўным запаведнікам.

У 1962 годзе горад Дрыса Віцебскай вобласці атрымаў назву Верхнядзвінск.

У 1991 годзе Міхаіл Гарбачоў пайшоў у адстаўку з пасады прэзідэнта СССР.

У 2003 годзе на тэрыторыі Нацыянальнага парку "Белавежская пушча" пачала працаваць рэзідэнцыя Дзеда Мароза.

1885 год: Вячаслаў Антонавіч Селях-Качанскі, беларускі оперны спявак.

1918 год: Зінаіда Ігнатаўна Канапелька, беларуская актрыса.

1959 год: Уладзіслава Луцэвіч, літаратуразнаўца, жонка Янкі Купалы.

Таксама сёння нарадзіліся брытанскі мастак Уільям Цёрнер і расійскі акцёр Уладзіслаў Галкін.

Каталікі сёння святкуют Нараджэнне хрыстова, а Праваслаўная царква шануе памяць хрысціянскага святога Спірыдона Трыміфунтскага. Ён здзейсніў шмат цудаў, у тым ліку ацаляў і ўваскрашаў людзей.

Лічылася, што з 25 снежня дзень хоць і не шмат, але прыбаўляецца. Каб дрэвы ў садзе лепей раслі, гаспадары абтрасалі з галінак снег. Галінкі вішні ставілі ў гаршчок. Калі яны распускаліся да Раства, гэта было добрай прыкметай – ураджай вішань будзе багаты.

Калі ў гэты дзень яснае неба, то і на Новы год будзе добрае надвор`е. Калі вераб`і збіраюць пух і нясуць у гняздо, хутка пахаладае.  

Sputnik, 25 снежня 2018