Гарадскі кірмаш вакансій прайшоў 26 лістапада ў Мінску. 

Мноства людзей розных узростаў, якія жадаюць уладкавацца на працу змаглі пагутарыць з наймальнікамі, задаць усе пытанні і атрымаць важную інфармацыю.

Апроч у рамках мерапрыемства працавалі розныя секцыі. Так, на пляцоўцы «Твой прафесійны маршрут!» навучэнцы ўстаноў агульнай сярэдняй адукацыі маглі атрымаць кансультацыю псіхолага па выбары прафесіі з улікам асабістых схільнасцей і патрэбнасці рынку. Секцыя «Старэйшаму пакаленню» прапаноўвала вакансіі для грамадзян перадпенсійнага і пенсійнага ўзросту, «Праца без межаў!» — вольныя працоўныя месцы для людзей з арганічанымі магчымасцямі. А на інтэрактыўнай пляцоўцы «Траекторыя кар’ернага росту» спецыялісты дзяржаўнай службы занятасці прапаноўвалі навучанне запатрабаваным прафесіям з гарантаваным працаўладкаваннем для пачатку пабудовы кар’еры.

Аўтар: Лізавета Голад
Звязда, 26 лістапада 2024