Патрыяршы экзарх усяе Беларусі мітрапаліт Мінскі і Заслаўскі Павел здзейсніў боскую літургію ў царкве святой раўнаапостальнай Марыі Магдаліны з нагоды прастольнага свята храма.
Ля варот храма мітрапаліта сустракалі шматлікія вернікі і духавенства. Ён павіншаваў усіх з прастольным святам. Затым мітрапаліту ўручылі вялікі букет белых руж. У сваю чаргу настаяцель БПЦ спытаў, ці ёсць сярод прысутных тыя, у каго сёння дзень нараджэння. Такіх не аказалася, і тады ён уручыў некалькі руж з падоранага букета маленькай дзяўчынцы-прыхаджанцы, а таксама жонцы настаяцеля храма — матухне Марыі.
Тэрыторыю перад храмам да свята ўпрыгожылі "дыванамі" з кветак.
Пасля літургіі, у якой прыняў удзел мітрапаліт, вакол храма прайшоў хросны ход, пасля чаго вернікі атрымалі благаслаўленне ўладара і прычасціліся. З нагоды свята каля храма накрылі сталы з салодкім пачастункам.
Sputnik, 4 жніўня 2017
Ссылка на текущий документ: http://belarus.kz/aktueller/2-0/619/40294
Текущая дата: 17.11.2024