На фінансаванне будаўніцтва жылля ў 2017 годзе плануецца накіраваць каля Br3,8 млрд, заявіў намеснік міністра фінансаў Юрый Селіверстаў на пашыраным пасяджэнні "Пастаяннай камісіі па бюджэце і фінансах, на якім разглядаюцца праекты законаў "Аб унясенні дапаўненняў і змяненняў у Падатковы кодэкс Рэспублікі Беларусь" і "Аб рэспубліканскім бюджэце на 2017 год".

"Пры гэтым Br3 млрд - уласныя сродкі грамадзян і арганізацый, каля Br134 млн - крэдытныя рэсурсы банкаў, якія ўзнікаюць у выніку вяртання сродкаў па раней выдадзеных крэдытах, а таксама ўласныя сродкі Беларусбанка", - адзначыў Юрый Селіверстаў.

Паводле яго слоў, сродкі Беларусбанка ў суме Br54 млн будуць накіраваны на крэдытаванні будаўніцтва жылля для шматдзетных сем`яў. Яшчэ каля Br650 млн - сродкі бюджэту, якія будуць накіраваны на будаўніцтва сацыяльных аб`ектаў, арэнднага жылля, прадастаўленне бязвыплатных субсідый грамадзянам, а таксама на будаўніцтва інжынерна-транспартнай інфраструктуры ў раёнах жылой забудовы.

У Беларусі ў 2017 годзе плануецца пабудаваць не менш як 3 млн кв.м жылля.

15 верасня 2016, Мінск
Юлія Огнева - БЕЛТА