Як паведаміў 30 чэрвеня намеснік старшыні Пастаяннай камісіі Савета Рэспублікі Нацыянальнага сходу Беларусі па міжнародных справах і нацыянальнай бяспецы Ігар Марзалюк, неабходнасць прыняцця Ваеннай дактрыны выклікана змяненнем геапалітычнай сітуацыі ў свеце і з`яўленнем новых рызык для Беларусі.

"У чым яе навізна? У тым, што ў ёй разглядаюцца ўсе віды і варыянты магчымых узброеных канфліктаў, у тым ліку такая рэч, як гібрыдная вайна і ўзброеныя выступленні, накіраваныя супраць тэрытарыяльнай цэласнасці і суверэнітэту дзяржавы", - сказаў Ігар Марзалюк.

Ён звярнуў увагу, што Беларусь мае намер у далейшым прадаўжаць стратэгічнае партнёрства з Расіяй і ў той жа час адкрыта да супрацоўніцтва з іншымі ваеннымі арганізацыямі, у тым ліку НАТА, але пры ўмове поўнага і безумоўнага прыярытэту нацыянальных інтарэсаў.

30 чэрвеня 2016, Мінск
БЕЛТА