"Я крыху затрымаўся. У нас сёння шчаслівы дзень у плане бяспекі і абароны. Нашым ваенным за тыя невялікія грошы, якія ім далі, удалося распрацаваць і выпрабаваць ужо сёння створанае ў Беларусі ракетнае ўзбраенне. Ажыццёўлены пуск ракетных комплексаў", - адзначыў Прэзідэнт у пачатку сустрэчы.

"Выпрабаванні прайшлі вельмі паспяхова. Ракеты паразілі цэль літаральна за паўтара метра ад зададзеных цэлей - першы залп. Другі залп - літаральна за дзясятак метраў. Гэта ідэальна. Гэта ракетныя комплексы, якія створаны ў нас у Беларусі на працягу двух гадоў", - падкрэсліў кіраўнік дзяржавы.



Аляксандр Лукашэнка даручыў Андрэю Кабякову разгледзець пытанне аб прадстаўленні да дзяржаўных узнагарод тых, хто ўнёс свой уклад у стварэнне адпаведнага ўзбраення.

"Прытым без усялякіх абмежаванняў. Хто заслужыў, павінны атрымаць гэтыя ўзнагароды. Гэта велізарнае дасягненне", - дадаў Прэзідэнт.

16 чэрвеня 2016, Мінск
Уладзімір Мацвееў - БЕЛТА