Як паведамляе ГУУС Мінгарвыканкама, малады чалавек, жыхар Мінскай вобласці, прыязджаў у сталіцу мэтанакіравана займацца рэалізацыяй псіхатропных рэчываў з дапамогай "закладак". Ён лічыўся буйным аптовым пастаўшчыком інтэрнэт-магазіна, які спецыялізуецца на збыце забароненых рэчываў. 

Праз некалькі месяцаў такой дзейнасці аператыўныя супрацоўнікі наркакантролю затрымалі расіяніна ў Мінску на вуліцы Паштовай. У яго было знойдзена больш за 200 грамаў крышталічнага рэчыва белага колеру, якое ўтрымлівае асабліва небяспечныя псіхатропныя кампаненты.

Першамайскім РАСК у дачыненні да затрыманага распачатая справа на падставе ч. 3 арт. 328 КК (незаконны абарот наркатычных сродкаў, псіхатропных рэчываў, іх прэкурсораў і аналагаў), што прадугледжвае пакаранне ў выглядзе пазбаўлення волі ад васьмі да пятнаццаці гадоў з канфіскацыяй маёмасці або без канфіскацыі.

Вячаслаў Будкевіч, БелаПАН
Мінск, 12 лістапада 2015