Адкрыццё новага будынка музея гісторыі Вялікай Айчыннай вайны 2 ліпеня 2014 года стала знакавай падзеяй у жыцці краіны, адзначыла Ірына Дрыга. У яго экспазіцыі актыўна выкарыстоўваюцца мультымедыйныя тэхналогіі.

Рэзананс у грамадстве атрымаў рэалізаваны ў мінулым годзе Беларускім музеем гісторыі Вялікай Айчыннай вайны і Цэнтральным музеем Вялікай Айчыннай вайны Масквы сумесны выставачны праект «Пераможцы — у творчасці разам!». Працягам сумеснай працы стане адкрыццё ў Маскве 28 красавіка бягучага года выстаўкі «У барацьбе супраць нацызму мы былі разам», прысвечанай 70-й гадавіне Перамогі.

Ірына Дрыга таксама адзначыла, што мэтанакіраваную работу па патрыятычным выхаванні вядзе мемарыяльны комплекс «Брэсцкая крэпасць-герой». У 2014 годзе ў Брэсцкай крэпасці падрыхтавана экспазіцыя «Музей вайны — тэрыторыя міру», калектыў стваральнікаў якой адзначаны спецыяльнай прэміяй кіраўніка дзяржавы.