Рынак новых аўтамабіляў Беларусі ў 2014 годзе склаў амаль 50 тыс. адзінак. 

"Рынак новых аўто ў 2014 годзе склаў амаль 50 тыс. адзінак, з іх нашы аўтадылеры прадалі толькі палавіну - каля 25,4 тыс.", - растлумачыў Сяргей Міхневіч. Паводле яго слоў, такая лічба - вынік масавага ўвозу аўтамабіляў з Расіі, які назіраўся ў канцы 2014 года. "Такога росту ўвозу не было даўно", - падкрэсліў ён. Усяго за 2014 год у краіну ўвезена больш як 70 тыс. аўтамабіляў.

Аб прагнозах на 2015 год прадстаўнікі БАА гаварылі асцярожна. "У 2014 годзе рынак выйшаў на фантастычныя 50 тыс. новых аўто, хоць мы прагназавалі лічбу каля 35 тыс. На 2015 год гэта лічба, паводле нашых прагнозаў, складзе ад 20 да 25 тыс. аўтамабіляў", - растлумачыў член праўлення БАА Аляксандр Чупрыгін.

3 лютага 2015, Мінск
БЕЛТА