У гэты дзень у 1925 годзе Першы Нацыянальны канал Беларускага радыё выйшаў у эфір. Якія яшчэ падзеі адбыліся 15 лістапада і чым адзначаны гэты дзень у народным календары, чытайце далей:

У 1918 годзе была закрыта Свіслацкая беларуская настаўніцкая семінарыя.

У 1925 годзе ў эфір выйшаў Першы Нацыянальны канал Беларускага радыё.

У 1962 годзе пачаўся ўстаноўчы сход Беларускага саюза кінематаграфістаў.

1947 год: Анатоль Ярмоленка, беларускі спявак.

1955 год: Сяргей Войчанка, беларускі мастак і дызайнер.

Таксама сёння нарадзіліся англійскі астраном Уільям Гершэль і савецкі канструктар стралковай зброі Ігар Стэчкін.

У гэты дзень Праваслаўная царква шануе памяць святых Акіндзіна і Пігасія. Яны былі прыдворнымі цара Сапора і тайнымі хрысціянамі.

У народзе гэты дзень называлі Жытніца. Малацілі снапы, для чаго, калі быў мароз, ток часам залівалі вадой, каб утварыўся лёд.

"Жытніца поўная – так і душа вольная", - казалі ў народзе.

Калі 15 лістапада сініцы лятаюць па двары – будзе снегапад. Неба зацягнута хмарамі – хутка пацяплее.

Sputnik, 15 лістапада 2024