Старшыня Салігорскай гарадской арганізацыі "Таварыства беларускай мовы імя Францішка Скарыны" Мікалай Шаравар накіраваў у Канстытуцыйны суд Беларусі зварот пра абарону беларускай мовы ад дыскрымінацыі.
"Адпаведная ініцыятыва была вылучаная яшчэ ў чэрвені вядомым юрыстам і праваабаронцам Гары Паганяйлам і падтрыманая асамблеяй НДА. Некаторыя жыхары нашага горада таксама ўжо дасылалі ў Канстытуцыйны суд такія звароты, — сказаў Шаравар. — Зараз далучыцца да гэтай ініцыятывы вырашыла і наша гарадская арганізацыя. Пад нашым зваротам падпісаліся пятнаццаць чалавек. Ліст з подпісамі ўжо накіраваны ў Канстытуцыйны суд".
Нагадаем, у красавіку гэтага года набыў моц новы закон "Аб канстытуцыйным судаводстве", які дазваляе грамадзянам наўпрост звяртацца ў галоўны суд краіны ў выпадку выяўлення ў заканадаўстве прагалаў, калізій і прававой нявызначанасці. Зараз, як зазначаюць праваабаронцы, паспрабаваць абараніць беларускую мову ад дыскрымінацыі можа кожны ахвотны. У сетцы размешчаныя адпаведныя метадычныя рэкамендацыі і ўзор звароту, які можна адрэдагаваць, дадаць у яго ўласныя прыклады моўнай дыскрымінацыі і самастойна адправіць у Канстытуцыйны суд.
Вячаслаў Будкевіч, БелаПАН
Мінск, 20 ліпеня 2014
Нагадаем, у красавіку гэтага года набыў моц новы закон "Аб канстытуцыйным судаводстве", які дазваляе грамадзянам наўпрост звяртацца ў галоўны суд краіны ў выпадку выяўлення ў заканадаўстве прагалаў, калізій і прававой нявызначанасці. Зараз, як зазначаюць праваабаронцы, паспрабаваць абараніць беларускую мову ад дыскрымінацыі можа кожны ахвотны. У сетцы размешчаныя адпаведныя метадычныя рэкамендацыі і ўзор звароту, які можна адрэдагаваць, дадаць у яго ўласныя прыклады моўнай дыскрымінацыі і самастойна адправіць у Канстытуцыйны суд.
Вячаслаў Будкевіч, БелаПАН
Мінск, 20 ліпеня 2014
Ссылка на текущий документ: http://belarus.kz/aktueller/2-0/800/26717
Текущая дата: 16.11.2024