Ранейшыя ўмовы па мінімальнаму стажу захоўваюцца для сацыяльна слабаабароненых катэгорый насельніцтва, якім сёння прадастаўляецца права выйсці на пенсію раней за дасягненне агульнаўстаноўленага пенсійнага ўзросту. "Гэта бацькі інвалідаў з дзяцінства, інваліды з дзяцінства, інваліды вайны, ліліпуты, карлікі. Указ не закране таксама шматдзетных маці. Прычым менавіта тых, у каго ёсць права на датэрміновую пенсію, інакш кажучы, хто мае пяць і больш дзяцей, выхаваў іх да 8-гадовага ўзросту", - растлумачыла Наталля Мурашкевіч.

У Мінпрацы і сацабароны нагадалі, што таксама не зменяцца ўмовы для назначэння пенсій па інваліднасці, па прычыне страты карміцеля.

Згодна з указам Прэзідэнта нумар 389 "Аб некаторых пытаннях пенсійнага забеспячэння і сацыяльнага страхавання" патрабаванне аб наяўнасці 10 гадоў мінімальнага стажу будзе прымяняцца пры назначэнні пенсіі пачынаючы з 1 студзеня 2014 года.

6 верасня 2013, Мінск
БЕЛТА

Ссылка на текущий документ: http://belarus.kz/aktueller/2-0/833/23202

Текущая дата: 17.11.2024