У Беларусі ў студзені-ліпені бягучага года ў органах па працы, занятасці і сацыяльнай абароне зарэгістраваны ў якасці беспрацоўных 1,6 тыс. чалавек, звольненых у сувязі са скарачэннем штату або ліквідацыяй арганізацыі. Гэта на 6,7 працэнта больш у параўнанні са студзенем-ліпенем 2012 года.

Сярод рэгіёнаў больш за ўсё звольненых работнікаў сталі беспрацоўнымі ў Віцебскай вобласці (369), менш за ўсё - у Мінску (128).

Нагадаем, у адпаведнасці з заканадаўствам наймальнік абавязаны пісьмова паведамляць у органы па працы, занятасці і сацыяльнай абароне аб масавым вызваленні работнікаў у сувязі з ліквідацыяй арганізацыі, спыненнем дзейнасці індывідуальнага прадпрымальніка, скарачэннем колькасці або штату работнікаў.

Дзяржаўнай праграмай садзейнічання занятасці насельніцтва Рэспублікі Беларусь на 2013 год прадугледжваецца прадаўжэнне работы па садзейнічанню наймальнікам у забеспячэнні занятасці работнікаў, якія знаходзяцца пад пагрозай звальнення, работнікаў, якія вызваляюцца пры рэструктурызацыі прадпрыемстваў і мадэрнізацыі вытворчасцей, а таксама пры аптымізацыі колькасці штату. Праводзіцца кадравая дыягностыка арганізацый для выяўлення патэнцыяльна празмернай колькасці персаналу.

14 жніўня 2013, Мінск
БЕЛТА

Ссылка на текущий документ: http://belarus.kz/aktueller/2-0/839/22706

Текущая дата: 18.11.2024