Пры гэтым, адзначаецца ў паведамленні ўпраўлення інфармацыі, "падтрымліваюцца прывабныя ўмовы для зберажэнняў у беларускіх рублях, якія забяспечваюць значнае перавышэнне іх даходнасці ў параўнанні з дэпазітамі ў замежнай валюце і надзейную абарону ад інфляцыі".

Такім чынам, Нацбанк "працягне правядзенне ўзважанай працэнтнай палітыкі, захоўваючы яе антыінфляцыйную скіраванасць".

У Нацбанку паведамілі, што ў ліпені стаўка рэфінансавання застанецца на ранейшым узроўні (23,5% гадавых). У мінулым месяцы, як адзначаюць у фінансавай установе, працягвалася запаволенне інфляцыйных працэсаў, а індэкс спажывецкіх цэн склаў 100,3%.

З пачатку года стаўка рэфінансавання зніжалася чатыры разы: у сакавіку і красавіку — на 1,5% абодва разы, у маі — на 2, у чэрвені — на 1,5. Паводле асноўных кірункаў грашова-крэдытнай палітыкі, да канца 2013 года стаўка павінна быць даведзена да 13-15%.

За студзень—май 2013 года спажывецкія цэны ў краіне выраслі на 7%. Прычым па гэтым паказчыку Беларусь заняла першае месца сярод краін былога СССР. Тым часам урад разлічвае ўтрымаць інфляцыю па выніках года ў межах 12%.

Захар Шчарбкоў, БелаПАН
Мінск, 10 ліпеня 2013

Ссылка на текущий документ: http://belarus.kz/aktueller/2-0/843/22104

Текущая дата: 18.11.2024