Беларусь упершыню была прадстаўлена на міжнароднай выстаўцы турызму, адпачынку на вадзе і падарожжаў "F.re.e 2013", якая праходзіла ў Мюнхене.
Як паведамілі ў Міністэрстве замежных спраў Беларусі, сумесны стэнд быў арганізаваны генеральным консульствам нашай краіны ў Мюнхене і музеем "Замкавы комплекс "Мір".
"Наведвальнікі і ўдзельнікі выстаўкі азнаёміліся з турыстычнымі магчымасцямі Беларусі, парадкам выдачы беларускіх турыстычных віз. Першы вопыт удзелу прадстаўнікоў Беларусі ў выстаўцы паказаў значны турыстычны інтарэс да нашай краіны з боку жыхароў Баварыі", - адзначылі ў знешнепалітычным ведамстве.
Пры ўдзеле супрацоўніка генеральнага консульства праведзены перагаворы дырэктара музея "Замкавы комплекс "Мір" Вольгі Папко з нашчадкам уладальнікаў Мірскага замка Канстанцінам Гогенлоэ-Шылінгсфюрстам. Бакі дамовіліся аб арганізацыі ў Мірскім замку выстаўкі партрэтаў князёў Радзівілаў, якія знаходзяцца ў прыватнай калекцыі Канстанціна Гогенлоэ-Шылінгсфюрста, правядзенні выстаўкі экспанатаў музея замка Шылінгсфюрст. Да экспанатаў гэтага музея належаць раней невядомыя бюсты і партрэты графіні Стафаніі Вітгенштэйн (народжанай Радзівіл), якая была апошнім уладальнікам Мірскага замка, а таксама карціна пэндзля рускага мастака Карла Брулова, якая лічылася страчанай.
1 сакавіка 2013, Мінск
БЕЛТА
"Наведвальнікі і ўдзельнікі выстаўкі азнаёміліся з турыстычнымі магчымасцямі Беларусі, парадкам выдачы беларускіх турыстычных віз. Першы вопыт удзелу прадстаўнікоў Беларусі ў выстаўцы паказаў значны турыстычны інтарэс да нашай краіны з боку жыхароў Баварыі", - адзначылі ў знешнепалітычным ведамстве.
Пры ўдзеле супрацоўніка генеральнага консульства праведзены перагаворы дырэктара музея "Замкавы комплекс "Мір" Вольгі Папко з нашчадкам уладальнікаў Мірскага замка Канстанцінам Гогенлоэ-Шылінгсфюрстам. Бакі дамовіліся аб арганізацыі ў Мірскім замку выстаўкі партрэтаў князёў Радзівілаў, якія знаходзяцца ў прыватнай калекцыі Канстанціна Гогенлоэ-Шылінгсфюрста, правядзенні выстаўкі экспанатаў музея замка Шылінгсфюрст. Да экспанатаў гэтага музея належаць раней невядомыя бюсты і партрэты графіні Стафаніі Вітгенштэйн (народжанай Радзівіл), якая была апошнім уладальнікам Мірскага замка, а таксама карціна пэндзля рускага мастака Карла Брулова, якая лічылася страчанай.
1 сакавіка 2013, Мінск
БЕЛТА
Ссылка на текущий документ: http://belarus.kz/aktueller/2-0/865/19715
Текущая дата: 18.11.2024