"Гэта выстава арганізавана па ініцыятыве магілёўскага "Кінавідэапраката". Яны прапанавалі мне даць некалькі жаночых партрэтаў для такой падзеі, як Дзень святога Валянціна. Мы вырашылі, што лепш, чым жаночы партрэт, для гэтых мэтаў наўрад ці што падыдзе, таму што ўсе мадэлі — жанчыны маладыя і, як правіла, у гэтым узросце ўсе закаханыя", — сказаў БелаПАН Аляксандр Сомаў.

У экспазіцыі, размешчанай у фае кінатэатра, выстаўлена каля 30 фатаграфій з выявай маладых жаночых твараў і цел.

"Работы ад жыцця, крыху студыйных з выкарыстаннем прафесійнай святлотэхнікі, некалькі работ выпадковых вулічных, пленэрных. На мой погляд, усе работы эмацыянальныя, жывыя", — дадаў фотамастак.

Аляксандр Сомаў займаецца фатаграфіяй з 1980 года, аднак прафесійным фатографам сябе не лічыць, падкрэсліваючы, што ён інжынер-механік. Тым не менш работы Сомава былі паказаны ў розных экспазіцыях і альбомах, а летась адбылася яго першая персанальная фотавыстава "Пазітыўны погляд", дзе экспанавалася больш за 60 фатаграфій.

Выстава "Генафонд нацыі" працягнецца да 8 сакавіка.

Уладзімір Лапцэвіч, БелаПАН
Магілёў, 9 лютага 2013

Ссылка на текущий документ: http://belarus.kz/aktueller/2-0/869/19318

Текущая дата: 18.11.2024