Аддзел міграцыі й грамадзянства Кастрычніцкага раёну Магілёва пастанавіў дэпартаваць зь Беларусі грамадзянку Польшчы, супрацоўніцу фонду «Institutum Orientalium» Магдалену Каліноўску.
Паводле пратаколу адміністрацыйнага правапарушэньня замежніца парушыла рэжым знаходжаньня ў Беларусі — была зарэгістраваная ў адным месцы, а жыла ў другім.
У Магілёве дзяўчына рыхтавала стажораў для навучаньня ў Польшчы навыкам вядзеньня бізнэсу ў турыстычнай галіне, сельскай гаспадарцы і транспарце.
У аддзел міграцыі дзяўчыну даставілі а палове на 17-ю, а вызвалілі каля 20-й гадзіны.
Магдалена Каліноўска: «Я атрымала штраф за тое, што не перарэгістравалася. 16 лістапада я мушу пакінуць Беларусь. Віза ў мяне сканчаецца ў гэты дзень. На тры гады мне забаронена ўяжджаць у Беларусь. Гэта несправядліва. Я не злачынец. Я ня ведала, што трэба перарэгістроўвацца і ёсьць такі закон. Ёсьць жа два спосабы пакараньня — штраф і дэпартацыя. А мне адразу далі й штраф, і дэпартацыю».
У пашпарце Магдалены пазначана, што яна мусіць пакінуць Беларусь да 16 лістапада бяз права ўезду ў Беларусь да 16 лістапада 2014 году.
Начальнік аддзелу па міграцыі і грамадзянстве маёр Пётар Сімончык адмовіўся камэнтаваць сытуацыю з затрыманьнем грамадзянкі Польшчы. Заявіў, што па камэнтары варта зьвярнуцца ва ўпраўленьне ўнутраных спраў Магілёўскага аблвыканкаму.
У Магілёве Магдалена Каліноўска знаходзіцца ад жніўня. Прэтэнзій да яе з боку міліцыі да сёньняшняга дня не было. Магілёўскія праваабаронцы будуць абскарджваць рашэньне аддзелу міграцыі й грамадзянства ў вышэйшай інстанцыі.
***
Institutum Orientalium – няўрадавая арганізацыя, якая займаецца разьвіцьцём стасункаў між кранамі Ўсходняй Эўропы, Балканамі і Азіі. Цяпер арганізацыя рэалізуе праект у рамках Праграмы польскай дапамогі беларускім прадпрымальнікам. Плянуецца стварэньне ў Горадні, Берасьці й Магілёве інфармацыйных пунктаў для перадачы мясцовым бізнэсоўцам польскага досьведу ў прадпрымальніцтве.
Радыё Свабода
11 лістапада 2011
У Магілёве дзяўчына рыхтавала стажораў для навучаньня ў Польшчы навыкам вядзеньня бізнэсу ў турыстычнай галіне, сельскай гаспадарцы і транспарце.
У аддзел міграцыі дзяўчыну даставілі а палове на 17-ю, а вызвалілі каля 20-й гадзіны.
Магдалена Каліноўска: «Я атрымала штраф за тое, што не перарэгістравалася. 16 лістапада я мушу пакінуць Беларусь. Віза ў мяне сканчаецца ў гэты дзень. На тры гады мне забаронена ўяжджаць у Беларусь. Гэта несправядліва. Я не злачынец. Я ня ведала, што трэба перарэгістроўвацца і ёсьць такі закон. Ёсьць жа два спосабы пакараньня — штраф і дэпартацыя. А мне адразу далі й штраф, і дэпартацыю».
У пашпарце Магдалены пазначана, што яна мусіць пакінуць Беларусь да 16 лістапада бяз права ўезду ў Беларусь да 16 лістапада 2014 году.
Начальнік аддзелу па міграцыі і грамадзянстве маёр Пётар Сімончык адмовіўся камэнтаваць сытуацыю з затрыманьнем грамадзянкі Польшчы. Заявіў, што па камэнтары варта зьвярнуцца ва ўпраўленьне ўнутраных спраў Магілёўскага аблвыканкаму.
У Магілёве Магдалена Каліноўска знаходзіцца ад жніўня. Прэтэнзій да яе з боку міліцыі да сёньняшняга дня не было. Магілёўскія праваабаронцы будуць абскарджваць рашэньне аддзелу міграцыі й грамадзянства ў вышэйшай інстанцыі.
***
Institutum Orientalium – няўрадавая арганізацыя, якая займаецца разьвіцьцём стасункаў між кранамі Ўсходняй Эўропы, Балканамі і Азіі. Цяпер арганізацыя рэалізуе праект у рамках Праграмы польскай дапамогі беларускім прадпрымальнікам. Плянуецца стварэньне ў Горадні, Берасьці й Магілёве інфармацыйных пунктаў для перадачы мясцовым бізнэсоўцам польскага досьведу ў прадпрымальніцтве.
Радыё Свабода
11 лістапада 2011
Ссылка на текущий документ: http://belarus.kz/aktueller/2-0/992/10505
Текущая дата: 17.11.2024