Генеральная пракуратура накіравала ў Вярхоўны суд крымінальную справу ў дачыненні да стваральніка прызнанага экстрэмісцкім фарміраваннем Telegram-канала "Мая краіна Беларусь" Сяргея Бяспалава, паведаміў начальнік упраўлення інфармацыі ведамства Дзмітрый Брылёў.

Следчым камітэтам Беларусі была расследавана справа ў дачыненні да Бяспалава ў рамках спецыяльнай вытворчасці. Яму прад’яўлена абвінавачанне па дзевяці артыкулах Крымінальнага кодэкса, у ліку якіх змова з мэтай захопу дзяржаўнай улады неканстытуцыйным шляхам, арганізацыя масавых беспарадкаў і іншыя.

"Справа ў адносінах да Бяспалава накіравана ў Вярхоўны суд для вызначэння падсуднасці", - паведаміў Брылёў.

Паводле яго слоў, яму інкрымінаваны шэраг цяжкіх злачынстваў экстрэмісцкай накіраванасці, у тым ліку супраць дзяржавы.

"Згодна з матэрыяламі справы, абвінавачаны ўступіў у змову з мэтай захопу ўлады ў краіне неканстытуцыйным шляхам", - сказаў начальнік упраўлення.

Ён паведаміў, што Бяспалаў з мая 2020 года, знаходзячыся на тэрыторыі Беларусі, а пасля 2 ліпеня 2020-га – за яе межамі (пераважна ў Літве, Чэхіі, Украіне і Польшчы) у складзе арганізаванай групы ўдзельнікаў такой змовы забяспечыў размяшчэнне на падкантрольным яму Telegram-канале "Мая краiна Беларусь" публікацыі, фота, відэа з заклікамі ўдзельнічаць у масавых беспарадках, пагромах, падпалах і ўзброеным супраціўленні ўладам.

Таксама Бяспалаў праз свае паблікі, якія былі прызнаны ў Беларусі экстрэмісцкімі, заклікаў да здзяйснення актаў тэрарызму на тэрыторыі краіны.

Пры гэтым Брылёў падкрэсліў, што злачынныя дзеянні Бяспалава прывялі да цяжкіх наступстваў, у выніку чаго дзяржаве быў нанесены ўрон у суме звыш 30,9 млн рублёў.

Sputnik Беларусь, 4 лютага 2025