Жыхароў Мінска і Брэста просяць 2 красавіка не панікаваць, калі яны пачуюць гук гарматнага стрэлу. Гэта частка ваенна-патрыятычнага праекта «Стрэл памяці», паведамляе smartpress.by.
Акцыя пройдзе ля стэлы «Мінск — горад-герой» і ў Брэсцкай крэпасці.
Як растлумачылі ў міністэрстве абароны, «Стрэл памяці» — «адзінкавы халасты стрэл з артылерыйскай прылады, прысвечаны памяці подзвігу савецкага народа ў гады Вялікай Айчыннай вайны і загінуўшых абаронцаў Айчыны».
Гучны стрэл мінчане і брэстаўчане пачуюць у 12 гадзін дня.
«Просім захоўваць спакой. Мерапрыемства праводзіцца пад кантролем і кіраўніцтвам ваеннаслужачых Узброеных сіл», — папярэдзілі ў Мінабароны.
Звязда, 1 красавіка 2025
Ссылка на текущий документ: http://belarus.kz/aktueller/2-1/1/77691
Текущая дата: 03.04.2025