"Росатом" пабудуе ў Беларусі цэнтр ядзернай медыцыны з цыклатронным комплексам, праект ужо гатоў, паведаміў дырэктар краінавага офіса расійскай дзяржкарпарацыі ў рэспубліцы Станіслаў Лявіцкі.

Сучасны медыцынскі комплекс з’явіцца ў РНПЦ анкалогіі і медыцынскай радыялогіі імя М.М. Аляксандрава.

"У бліжэйшы час плануем даць Міністэрству аховы здароўя і РНПЦ наш канцэпт гэтага праекта. Ключавым элементам з’яўляецца цыклатронны комплекс для напрацоўкі ізатопаў", - цытуе Лявіцкага БелТА.

Паводле яго слоў, калі такі цэнтр будзе пабудаваны, то Беларусь будзе абсталявана па апошнім слове тэхнікі.

Цыклатроны выкарыстоўваюцца ў радыяцыйнай тэрапіі для лячэння злаякасных пухлін. У Беларусі на дадзены момант усяго адзін такі апарат, ён працуе на базе Рэспубліканскага цэнтра пазітронна-эмісійнай тамаграфіі ў РНПЦ анкалогіі і медыцынскай радыялогіі.

Як адзначаў у лістападзе 2024 года дырэктар навукова-практычнага цэнтра Сяргей Палякоў, стварэнне комплексу ядзернай медыцыны займаецца спецыяльная група, якая складаецца з беларускіх і расійскіх спецыялістаў.

У 2023 годзе "Росатом" пачаў пастаўляць у Беларусь імпартазамяшчальнае абсталяванне для лячэння анкахворых – гама-тэрапеўтычныя комплексы "Брахиум", якія працуюць на аснове кобальту і ірыдыю.

Акрамя "Брахиума", магчымы пастаўкі ў беларускія медустановы лінейнага паскаральніка "Оникс".

Таксама ў верасні 2023-га рэспубліка атрымала ад "Росатома" партыю прэпарату для дыягностыкі анказахворванняў – генератары тэтэхнецыю-99m ГТ-5К. На яго аснове праводзіцца больш за 80% працэдур на АФЭКТ (аднафатонная эмісійная камп`ютарная тамаграфія), гэта самы запатрабаваны радыеізатоп у ядзернай медыцыне.

Мінск, 3 красавіка 2025
Sputnik