Як паведамляе Міністэрства аховы здароўя, па стане на 24 жніўня ў Беларусі зарэгістраваны 70 645 чалавек са станоўчым вынікам тэста на COVID-19.
Усяго праведзена 1 477 939 тэстаў на каранавірус.
68 925 чалавек больш не хварэюць.
Памерлі 646 пацыентаў з шэрагам хранічных хвароб з выяўленай каранавіруснай інфекцыяй.
Пра новы тып каранавіруса 2019-nCoV стала вядома ў канцы снежня 2019 года, калі кітайскія ўлады паведамілі пра выбух пнеўманіі невядомага паходжання ў горадзе Ухань.
Сусветная арганізацыя аховы здароўя 11 сакавіка абвясціла ўспышку новай каранавіруснай інфекцыі COVID-19 пандэміяй.
Па апошніх дадзеных універсітэта Джонса Хопкінса, колькасць заражаных у свеце — больш за 23 млн чалавек, пры гэтым больш за 800 тыс. чалавек памерлі. Лідарамі па колькасці пацверджаных выпадкаў застаюцца ЗША — больш за 5,7 млн заражаных, Бразілія — больш за 3,5 млн, Індыя — амаль 3 млн.
У Беларусі першы завазны выпадак каранавіруса быў зарэгістраваны 27 лютага ў іранскага студэнта БНТУ.
Звязда, 24 жніўня 2020
Ссылка на текущий документ: http://belarus.kz/aktueller/2-1/104/55596
Текущая дата: 26.11.2024