Па дадзеных Міністэрства аховы здароўя, у Беларусі налічваецца каля 500 цяжарных і жанчын, якія сталі маці, у якіх дыягнаставалі каранавірусную інфекцыю. 

— Сярод іх не было цяжкіх выпадкаў хваробы, — адзначыла Кеда. — Прыкладна ў 20-30% пацыентак выявілі каранавірусныя пнеўманіі, але не цяжкія.

Таксама спецыяліст патлумачыла, што з пачатку пандэміі COVID-19 у рэспубліцы былі вызначаны радзільныя дамы або аддзяленні для аказання медыцынскай дапамогі будучым маці і парадзіхам з падазрэннем на каранавірусную інфекцыю ці ўжо з ўдакладненым дыягназам. У Мінску, напрыклад, гэта радзільня 6-й гарадской клінічнай бальніцы.

Акрамя таго, ва ўсіх радзільных аддзяленнях і радзільнях краіны абмежаваныя наведванні сваякоў і прыпыненыя партнёрскія роды.

Што тычыцца нараджэння немаўлят у мам з дыягназам COVID-19, то, як падкрэсліла Кеда, усе яны здаровыя.

Звязда, 9 ліпеня 2020