Удзельнікамі форуму стануць больш за 200 навукоўцаў з 14 краін: Беларусі, Расіі, Украіны, Польшчы, Арменіі, Казахстана, Азербайджана, Туркменістана, Францыі, Бельгіі, ЗША, Германіі, Іспаніі і Індыі.

Спецыялісты разгледзяць фундаментальныя і прыкладныя аспекты прыярытэтных напрамкаў даследаванняў у галіне біяфізікі, клетачнай інжынерыі, медыцынскай і малекулярнай біяфізікі, нанабіятэхналогій, сучаснай біяфізічнай адукацыі. Запланавана работа сямі секцый: «Малекулярная біяфізіка і біяінфарматыка», «Медыцынская біяфізіка», «Мембранная і клеткавая біяфізіка», «Нанабіятэхналогіі», «клеткавая інжынерыя і рэгенератыўная медыцына», «Фотасінтэз і фотабіялогія», «Адукацыя ў галіне біяфізікі».

Вынікам работы форуму стане выпуск зборніка дакладаў міжнароднай навуковай канферэнцыі. 

Арганізатарамі канферэнцыя выступаюць кафедра біяфізікі фізічнага факультэта БДУ і Інстытут біяфізікі і клетачнай інжынерыі НАН Беларусі.

Надзея Нікалаева
Звязда, 16 чэрвеня 2020