Кіраўнік дзяржавы пацікавіўся першымі ўражаннямі міністра на гэтай пасадзе пасля нядаўняга назначэння, яго ацэнкамі крымінагеннай сітуацыі.



"Вы чалавек больш ваенны. Але сістэму праваахоўную добра ведаеце, служылі там, хоць у вас крыху ваенізаваны быў ухіл. Але з навядзеннем парадку (што вельмі важна для міліцыі) у краіне вы добра знаёмы. Вы гэта рабілі. І трэба сказаць, што да нашых падраздзяленняў, якія лічацца за Міністэрствам унутраных спраў, я прэтэнзій практычна не меў, - сказаў Прэзідэнт. - Дзякуй богу, што ў нас і абстаноўка была больш-менш спакойная ў краіне. Дай бог і гэтак далей. Але тым не менш, гэта, напэўна, дзякуючы таму, што ўсе разумеюць, што рэакцыя будзе імгненнай і адэкватнай. Прыкладам таго з`яўляецца расследаванне вамі гучнай неўласцівай для Беларусі крымінальнай справы, звязанай з абрабаваннем ювелірнага магазіна ў Мінску".

Акрамя таго, Аляксандр Лукашэнка асабліва падзякаваў праваахоўнікам за хуткае раскрыццё гэтай гучнай крымінальнай справы: "Сярод белага дня. Як выклік. На выклік вы дастойна адказалі. Дай бог, каб так заўсёды ў вашай службе было. Вы вельмі хутка разгарнуліся і ў прынцыпе раскрылі гэту крымінальную справу, хоць следства і суд прымуць па гэтым пытанні рашэнне. Але хлопцы спрацавалі вашы. Малайцы! Я вас прашу, перадайце ім маю шчырую ўдзячнасць за аператыўную работу. За той прафесіяналізм, які яны праявілі. З розных крыніц мне дакладвалі пра дэталі раскрыцця гэтай справы. Гэта высокі прафесіяналізм. Малайцы хлопцы! Перадайце ім маю падзяку, заахвоцьце. Яны гэта заслужылі".

Юрый Караеў далажыў, што крымінагенная абстаноўка ў бягучым годзе застаецца падкантрольнай, зніжаецца ўдзельная вага асабліва цяжкіх і цяжкіх злачынстваў. Чаканая тэндэнцыя росту ёсць па злачынствах у сферы высокіх тэхналогій. Яны ў асноўным звязаны з крадзяжом сродкаў з выкарыстаннем маніпуляцый з пластыкавымі карткамі, узломам акаўнтаў карыстальнікаў.

5 верасня 2019, Мінск
Уладзімір Мацвееў - БЕЛТА