"Работа, якая праводзіцца міліцыяй, сведчыць, што некаторыя грамадзяне прадаўжаюць свядома незаконна захоўваць не зарэгістраваныя ў органах унутраных спраў зброю, боепрыпасы, выбуховыя рэчывы і ўзрыўныя ўстройствы. А менавіта такая зброя часта трапляе ў рукі злачынцаў, якія адразу знаходзяць ёй прымяненне, учыняючы цяжкія злачынствы", - адзначылі ў міліцыі.

У ГУУС таксама папярэдзілі, што для прыцягнення да крымінальнай адказнасці дастаткова таго факта, што грамадзянін незаконна захоўвае хаця б адзін боепрыпас да наразной зброі. Адказнасць надыходзіць і за выраб, набыццё, продаж незарэгістраванай паляўнічай стрэльбы або халоднай зброі. За парушэнні ў гэтай сферы пагражае да 12 гадоў пазбаўлення волі, нагадаў начальнік Савецкага РУУС сталіцы Максім Гамола. Асобы, якія добраахвотна здадуць зброю, боепрыпасы і выбуховыя рэчывы, што незаконна захоўваюцца, вызваляюцца ад крымінальнай і адміністрацыйнай адказнасці.

БЕЛТА, 31 сакавіка 2016